• Ert þú með grunn í stjórnmálafræði?
• Hefur þú áhuga á að sérhæfa þig í einhverjum af þeim megingreinum stjórnmálafræðinnar?
• Vilt þú fara í sveigjanlegt nám sem þú getur aðlagað að þínu áhugasviði?
• Er fræðilegt nám eitthvað fyrir þig?

MA-nám í stjórnmálafræði er fræðilegt nám sem miðar að því að þjálfa nemendur í úrlausn rannsóknarverkefna með frekara nám eða fjölbreytt úrval starfa á vinnumarkaðnum í huga. Nemendur geta lagað námið töluvert að hugðarefnum en sameiginlegur kjarni miðast við að allir nemendur fái vissa grunnþjálfun í aðferðafræði félagsvísinda.

Stjórnmálafræðinámið við Háskóla Íslands er fjölbreytt og veitir útskrifuðum nemendum því ótal möguleika á að velja sér starf að námi loknu. Stjórnmálafræðingar hafa haslað sér völl víðs vegar í atvinnulífinu á undanförnum árum og fyrir utan kennslu og rannsóknir vinna stjórnmálafræðingar við margvísleg störf.

Uppbygging náms

Námið er 120 einingar og er sett upp sem fullt nám til tveggja ára.

Námið skiptist í:

• Námskeið á sviði aðferðafræði, 30 einingar
• Valnámskeið, 30-60 einingar
• Meistararitgerð, 30-60 einingar

Samsetning námsins er sveigjanleg með það í huga að laga megi áherslurnar að áhugasviði einstakra nemenda. Sameiginlegur kjarni miðar að því að nemendur fái vissa grunnþjálfun í aðferðafræði félagsvísinda, en að öðru leiti velja nemendur námskeið í tengslum við væntanlegt lokaverkefni.

Fyrirkomulag kennslu

Námið er kennt á íslensku og flestar kennslubækur eru á ensku.

Mögulegt er að ljúka námsleiðinni í staðnámi eða fjarnámi. Námsfyrirkomulagið fer eftir vali nemanda og leiðbeinanda á námskeiðum.

Meginmarkmið

Meðal annars er miðað er að því að nemendur:

• breikki og dýpki þekkingu sína á völdu fræðasviði innan stjórnmálafræði.
• geti með sjálfstæðum og faglegum hætti skilgreint rannsóknaviðfangsefni, sett fram rannsóknaspurningar og tilgátur.
• geti greint á skýran og ótvíræðan hátt frá flóknum fræðilegum viðfangsefnum og eða fræðilega rökstuddum niðurstöðum, einn eða í samstarfi við aðra, bæði meðal sérfræðinga og leikmanna.

Annað

Nemendur eru hvattir til að skoða möguleika á að taka hluta námi sínu við einn af samstarfsskólum HÍ. Stjórnmálafræðideild er með skiptinema samninga við háskóla víða um heim.

Námið veitir aðgang að doktorsnámi

• Sjá doktorsnámi í stjórnmálafræði
• Sjá allt doktorsnám á Félagsvísindasviði

Inntökuskilyrði námsleiðar

BA-próf í stjórnmálafræði með fyrstu einkunn eða sambærilegt próf.

Ljúka þarf 120 einingum fyrir lokapróf. Nemendur geta lagað námið töluvert að eigin áhugasviði, en sameiginlegur kjarni, 30 einingar, miðast við að allir nemendur fái vissa grunnþjálfun í aðferðafræði félagsvísinda. Vægi MA-ritgerðar er að að jafnaði 40-60 einingar. Námskeið eru valin í samráði við leiðbeinanda.
Nemendur geta tekið misseri við erlenda háskóla og fengið nám sitt metið inn í námið við Háskóla Íslands.

Eftirfarandi gögn þurfa að fylgja umsókn um þetta nám:

• Ferilskrá (CV) 

• Greinargerð

• Nöfn og netföng tveggja meðmælenda

• Rannsóknar/námsáætlun 

• Staðfest afrit af námsferli og prófskírteini frá háskóla

Frekari upplýsingar um fylgigögn má finna hér

Námið er á

• Félagsvísindasviði
• Stjórnmálafræðideild