Háskólaþing

Háskólaþing er samráðsvettvangur háskólasamfélagsins þar sem fram fer umræða um þróun og eflingu Háskóla Íslands. Háskólaþing fjallar um og tekur þátt í að móta sameiginlega vísinda- og menntastefnu Háskóla Íslands að frumkvæði rektors.

Háskólaráð getur leitað umsagnar háskólaþings um hvaðeina sem varðar starfsemi Háskóla Íslands og ráðið getur einnig falið þinginu umfjöllun um fagleg málefni og akademíska stefnumörkun.

Háskólaþing er ályktunarbært um þau málefni sem það telur að varði hag háskólasamfélagsins. Ákvörðunum háskólaráðs, rektors, forseta fræðasviða eða forstöðumanna háskólastofnana verður ekki skotið til háskólaþings.

Háskólaþing tilnefnir þrjá fulltrúa háskólasamfélagsins í háskólaráð.

Á háskólaþingi eiga fast sæti rektor, forsetar fræðasviða og deildarforsetar. Þar sitja jafnframt kjörnir fulltrúar úr röðum akademískra starfsmanna deilda og stofnana fræðasviða Háskólans, samtaka háskólakennara, starfsmanna við stjórnsýslu, stofnana sem starfa samkvæmt sérlögum eða tengjast háskólanum sérstaklega og fulltrúar samtaka nemenda.

Rektor boðar háskólaþing og stýrir því. Háskólaþing skal halda að minnsta kosti einu sinni á hverju ári. Æski 2/3 hlutar fulltrúa á háskólaþingi fundar er rektor skylt að boða til hans.

Fundargerðir háskólaþings frá 2008

Fundargerðir háskólafundar frá 1999-2008

Framvinda stefnumótunarstarfs við Háskóla Íslands

1. Lög og reglur

Í lögum um háskóla nr. 63/2006 (áður lögum nr. 136/1997), með síðari breytingum, lögum um opinbera háskóla nr. 85/2008 (áður lögum nr. 41/1999) og sérstaklega í reglum fyrir Háskóla Íslands nr. 569/2009 (áður reglum nr. 458/2000) er í reynd að finna forsendur þeirrar stefnumótunar fyrir Háskóla Íslands sem unnið hefur verið eftir á síðustu árum, s.s. um skipan og hlutverk háskólaráðs, háskólaþing, hlutverk rektors, forseta fræðasviða og deildarforseta, skipulag háskólastofnana, stjórnsýslu Háskólans o.fl.

2. Stefnumál

Stefna Háskóla Íslands 2011-2016
Samþykkt á 5. háskólaþingi 7. desember 2010 og í háskólaráði 17. desember 2010.

Viðmið og kröfur um gæði doktorsnáms við Háskóla Íslands
Samþykkt á 8. háskólaþingi 18. apríl 2012 og í háskólaráði 3. maí 2012.

Sjálfbærni- og umhverfisstefna
Samþykkt á 7. háskólaþingi 9. desember 2011 og í háskólaráði 1. mars 2012.

Jafnréttisáætlun 2013-2017
Samþykkt á fundi háskólaráðs 16. janúar 2014

Stefna Háskóla Íslands gegn mismunun
Samþykkt á 16. háskólafundi 18. febrúar 2005.

Þróunaráætlanir deilda og stofnana 2000-2005
Til meðferðar á háskólafundi frá 2000. Ný stefnumörkun hófst haustið 2005.

Málstefna Háskóla Íslands
Samþykkt á háskólaþingi 10. maí og í háskólaráði 19. maí 2016.

Starfsmannastefna
Samþykkt á 2. háskólafundi 18.-19. maí 2000. Breytingar samþykktar á 7. háskólafundi 23. maí 2002. Endurskoðuð útgáfa samþykkt á 15. háskólafundi 12. nóvember 2004.

Siðareglur Háskóla Íslands
Samþykktar á 11. háskólafundi 7. nóvember 2003. Breytt með samþykkt háskólaráðs 13. október 2011.

Stefna í málefnum fatlaðra
Samþykkt á 7. háskólafundi 23. maí 2002 og staðfest af háskólaráði 14. júní 2002. (Stefnan er byggð á samþykkt háskólaráðs um málefni fatlaðra stúdenta við Háskóla Íslands frá 1995).

Gæðakerfi Háskóla Íslands
Kynnt á háskólafundi og samþykkt af háskólaráði vorið 2002.

Uppbygging Háskóla Íslands - Markmið og aðgerðir 2002-2005
Kynnt á háskólafundi og samþykkt af háskólaráði vorið 2002. Ný stefnumörkun Háskólans til fimm ára hófst haustið 2005.

Vísinda- og menntastefna Háskóla Íslands
Samþykkt á 5. háskólafundi 6. apríl 2001. Breytingar samþykktar á 9. háskólafundi 23. maí 2003. Féll úr gildi þegar Stefna Háskóla Íslands 2006-2011 tók gildi.

Stefna í alþjóðasamskiptum
Samþykkt á 4. háskólafundi 23. febrúar 2001.

Framhaldsnám við Háskóla Íslands
Áætlun til ársins 2005 kynnt á háskólafundi og í háskólaráði haustið 2000.

Ítarefni

Reglur um skipan og fundarsköp háskólaþings Háskóla Íslands

Stefna HÍ 2021-2026

Önnur stefnuskjöl og áætlanir

Gildi HÍ