Kynjafræði, doktorsnám

Kynjafræði

210 einingar - Doktorspróf

. . .

Stjórnmálafræðideild býður upp á doktorsnám í kynjafræði. Doktorsnemar skulu hafa lokið meistaraprófi frá Félagsvísindasviði Háskóla Íslands eða sambærilegu prófi. Doktorsnám er a.m.k. þriggja ára fullt nám. Sé námið stundað að hluta getur það tekið allt að fimm árum.

Sækja um nám

Námið

Hæfniviðmið doktorsprófs

Kennslu- og próftímabil

Umsókn og fylgigögn

PhD studies

Fyrir nemendur

Doktorsnemar

Miðstöð framhaldsnáms

Reglur um doktorsnám við Félagsvísindasvið

Brautskráðir doktorar

Viltu vita meira?

Stjórn og starfsfólk

Hafðu samband

Félagslíf

Námið

Um er að ræða þriggja til fjögurra ára fræðilegt framhaldsnám (rannsóknatengt framhaldsnám) í kynjafræði við félags- og mannvísindadeild Háskóla Íslands. Námið er 180e- 240e og er fullgilt próf til prófgráðunnar philosophiae doctor, PhD. Inntökuskilyrði er rannsóknatengt MA-próf eða sambærilegt próf að jafnaði með fyrstu einkunn.

Inntökuskilyrði

Framhaldsnám

Meistarapróf eða sambærilegt próf með fyrstu einkunn.

Nánar um námið í kennsluskrá

Hvað segja nemendur?

Ragnheiður Davíðsdóttir

Kynjafræði

Ég ákvað að fara í meistaranám í kynjafræði af því að ég ólst upp með kynjagleraugun og þetta sjónarhorn hefur alltaf verið hluti af minni sýn bæði í námi og starfi. Í náminu hefur verið ótrúlega gefandi að kynnast nýjum sjónarhornum og öðlast fræðilega þekkingu um margt það sem ég hef brotið heilann um nær allt mitt líf. Ég finn hvernig ég hef vaxið í kynjafræðinni. Þar hefur áhersla verið lögð á að hugsa út fyrir boxið, kynnast nýjum sjónarhornum, rannsóknarhugmyndum og samfélagsstraumum. Ég hef kynnst frábæru samstarfsfólki bæði hér á landi og erlendis. Kennararnir eru fyrsta flokks, knúnir áfram af áhuga, sérþekkingu og metnaði um kennsluna. Deildin er náin, sveigjanleg og heldur vel utan um hvern nemanda og ólíkar námsþarfir. Þetta er gefandi, hagnýtt og skemmtilegt nám. Umfram allt skerpir námið gagnrýna hugsun og fyllir nemendur eldmóði til að bæta og breyta samfélaginu sem við tilheyrum.

—

Kolbrún Hrund Sigurgeirsdóttir

MA í kynjafræði

Ég skráði mig í MA í kynjafræði haustið 2013 eftir að hafa verið grunnskólakennari í nokkur ár. Jafnrétti er ein af grunnstoðum menntunar en þó upplifði ég að almennt væri skortur á þekkingu og færni til að jafnréttismálum væri vel sinnt í skólakerfinu. Mig langaði því að dýpka þekkingu mína og finna leiðir til að miðla henni til annarra í skóla- og frístundastarfi.
Það er óhætt að segja að kynjafræðinámið stóðst allar mínar væntingar og meira til. Námið er bæði fjölbreytt og skemmtilegt og það krefur nemendur um að líta inn á við og rýna tilveru sína á nýjan hátt. Helsti kostur kynjafræðinámsins er samþætting á fræðilegri þekkingu og hagnýtingu. Hver og einn getur aðlagað innihald námsins að sínum vettvangi, því sjónarhorn kynjafræðinnar má máta við öll viðfangsefni daglegs lífs. Í starfi mínu sem verkefnastýra Jafnréttisskóla Reykjavíkur nýti ég verkfærin sem ég öðlaðist í náminu á hverjum einasta degi í þágu barna og unglinga borgarinnar.

—

Þorsteinn Einarsson

MA í kynjafræði

Meistaranám í kynjafræði var eins og ferðalag á kunnuga staði en samt var eins og ég hefði aldrei séð þá áður. Sjónarhornið, baksagan og samhengið sem kennarar veittu í gegnum námið gerðu ferðalagið krefjandi en á sama tíma algjörlega ógleymanlegt. Þetta kemur til af því að námið er lifandi, krítískt, hagnýtt og stundum óþægilega nærgöngult, þar sem ég þurfti að takast á við mínar hugmyndir, fordóma og fékk verkfæri til að beita á samfélagið. Ég öðlaðist færni í að greina kynjun, valdatengsl, orðræðu og dýptina í mynstrum og þemum sem dulin eru í samfélagsgerðinni og nærir víðtækt misrétti. Nám í kynjafræði hentar öllum sem brenna fyrir réttlæti og jafnrétti og vilja hafa áhrif á samfélagið sitt.

—

Hafðu samband

Nemenda- og kennsluþjónusta Félagsvísindasviðs er á
Þjónustutorgi í Gimli
Netfang: nemFVS@hi.is

Sæmundargötu 10, 102 Reykjavík
Opið virka daga frá 9 - 15
Sími: 525 4500

Image result for facebook logo Facebook

Nánari upplýsingar um námið veita Sigrún Daníelsdóttir Flóvenz, verkefnisstjóri og Kolbrún Eggertsdóttir, gæðastjóri.
Fyrirspurnir er hægt að senda á netfangið doktorsnamFVS@hi.is.

Kort af háskólasvæðinu